Асноўныя задачы і напрамкі навуковай дзейнасці

18.06.2024

Дзяржаўная ўстанова "Беларускі інстытут сістэмнага аналізу і інфармацыйнага забеспячэння навукова-тэхнічнай сферы" (далей — ДУ "БелІСА") Дзяржаўнага камітэта па навуцы і тэхналогіях Рэспублікі Беларусь (далей — ДКНТ) створана ў мэтах выканання функцый сістэмнага аналізу стану і тэндэнцый развіцця навукова-тэхнічнай сферы, правядзення навуковых даследаванняў і распрацовак для навуковага і інфармацыйнага забеспячэння дзейнасці ДКНТ, іншых органаў дзяржаўнага кіравання Рэспублікі Беларусь, навуковых арганізацый, юрыдычных і фізічных асоб.

Прадмет дзейнасці ДУ "БелІСА" — развіццё навукова-тэхнічнай сферы.

Асноўныя напрамкі дзейнасці ДУ "БелІСА":

забеспячэнне ўдасканалення нацыянальнай інавацыйнай сістэмы, якое прадугледжвае навукова-метадычнае забеспячэнне і маніторынг рэалізацыі праектаў Дзяржаўнай праграмы інавацыйнага развіцця Рэспублікі Беларусь; навукова-метадычнае забеспячэнне і маніторынг развіцця інавацыйнай інфраструктуры; распрацоўку эканамічных, прававых і кадравых мер забеспячэння ўдасканалення інавацыйнай сістэмы; распрацоўку навукова абгрунтаваных прапаноў і рэкамендацый па аптымізацыі і ўдасканаленні дзяржаўнай інавацыйнай палітыкі;

забеспячэнне ўдасканалення сістэмы навукова-тэхнічнай інфармацыі (далей — НТІ), якое ўключае ўдасканаленне збору, аналізу і сістэматызацыі НТІ, і забеспячэнне камерцыялізацыі аб'ектаў НТІ;

забеспячэнне ўдасканалення адзінай сістэмы дзяржаўнай экспертызы, якое прадугледжвае ўдасканаленне парадку правядзення дзяржаўнай навуковай і дзяржаўнай навукова-тэхнічнай экспертыз; распрацоўку метадалогіі працы з сеткавай экспертнай структурай; выкананне функцый нацыянальнага аператара дзяржаўнай экспертызы;

інфармацыйна-аналітычнае і навукова-метадычнае забеспячэнне дзейнасці ДКНТ па рэалізацыі міжнароднага навукова-тэхнічнага і інавацыйнага супрацоўніцтва, якое ўключае навукова-метадычнае забеспячэнне рэалізацыі сумесных навукова-тэхнічных і інавацыйных праектаў у рамках міжнародных дагавораў Рэспублікі Беларусь, Міждзяржаўнай праграмы інавацыйнага супрацоўніцтва дзяржаў — удзельніц СНД, навукова -тэхнічных праграм Саюзнай дзяржавы; садзейнічанне прыцягненню замежных тэхналогій для рэалізацыі навукова-тэхнічных і інавацыйных праектаў у інтарэсах Рэспублікі Беларусь; садзейнічанне пашырэнню геаграфіі міжнароднага навукова-тэхнічнага і інавацыйнага супрацоўніцтва праз заключэнне двухбаковых міжурадавых пагадненняў, а таксама ўдзелу беларускага боку ў рабоце органаў міжнародных арганізацый у сферах навуковай, навукова-тэхнічнай і інавацыйнай дзейнасці; прававое і метадычнае суправаджэнне прыцягнення замежных крыніц для фінансавання даследаванняў і распрацовак, у тым ліку праз пашырэнне ўдзелу беларускіх навуковых арганізацый і навуковых работнікаў у еўрапейскіх рамачных праграмах;

забеспячэнне функцыянавання і ўдасканалення сістэм прагназавання стану і тэндэнцый развіцця сферы навуковай, навукова-тэхнічнай і інавацыйнай дзейнасці ў Рэспубліцы Беларусь, якое прадугледжвае выкананне навукова-даследчых работ па пытаннях навукова-тэхналагічнага прагназавання; распрацоўку нацыянальнага і галіновага прагнозаў НТР; маніторынг глабальных тэхналагічных трэндаў і аналіз іх уплыву на інавацыйнае развіццё краіны і кампетэнцыі кадраў;

удасканаленне выставачнай дзейнасці і камерцыялізацыі вынікаў навуковых даследаванняў, якое прадугледжвае арганізацыю і правядзенне нацыянальных выставак, нацыянальных экспазіцый і калектыўных раздзелаў навукова-тэхнічных і інавацыйных распрацовак; прасоўванне айчынных навукаёмістых і высокатэхналагічных распрацовак на міжнародныя рынкі.

У адпаведнасці з заканадаўствам Рэспублікі Беларусь ДУ "БелІСА":

ажыццяўляе дзяржаўную рэгістрацыю навукова-даследчых, доследна-канструктарскіх работ і доследна-тэхналагічных работ і забяспечвае функцыянаванне Дзяржаўнага рэестра правоў на вынікі навукова-тэхнічнай дзейнасці;

вызначана нацыянальным інфармацыйным цэнтрам, які каардынуе міждзяржаўны абмен навукова-тэхнічнай інфармацыяй у Рэспубліцы Беларусь;

з'яўляецца нацыянальным аператарам дзяржаўнай экспертызы, у тым ліку ажыццяўляючым адміністраванне інфармацыйна-аналітычнай сістэмы "Адзіная экспертыза" (ІАС "Адзіная экспертыза) у парадку, устаноўленым ДКНТ;

з'яўляецца ўладальнікам і аператарам аўтаматызаванай інфармацыйна-аналітычнай сістэмы маніторынгу падрыхтоўкі навуковых работнікаў вышэйшай кваліфікацыі (АСМ НРВК), ажыццяўляе інфармацыйна-аналітычнае суправаджэнне гэтай сістэмы;

выконвае функцыі Беларускага аддзялення Беларуска-Пакістанскага цэнтра па каардынацыі навукова-тэхнічнага і інавацыйнага супрацоўніцтва;

каардынуе базу даных "Беларускія вучоныя за мяжой" і базу даных міжнародных навукова-тэхнічных праграм і праектаў.

На базе інстытута дзейнічае Нацыянальны інфармацыйны офіс праграм Еўрапейскага Саюза па навуцы і інавацыях (НІА), на які ўскладзена каардынацыя дзейнасці сеткі нацыянальных кантактных кропак (НКТ) і супрацоўніцтва Беларусі па лініі Рамачных праграм Еўрапейскага саюза па навуцы і інавацыях.