Рэспубліканская інфармацыйна-адукацыйная акцыя «Беларусь-энергаэфектыўная краіна»
08.11.2022
У мэтах рэалізацыі палажэнняў Дырэктывы Прэзідэнта Рэспублікі Беларусь ад 14 чэрвеня 2007 г. № 3 «Аб прыярытэтных напрамках умацавання эканамічнай бяспекі дзяржавы», Закона Рэспублікі Беларусь ад 8 студзеня 2015 г. № 239-3 «Аб энергазберажэнні», а таксама ў сувязі з правядзеннем 11 лістапада Міжнароднага Дня энергазберажэння Дэпартамент па энергаэфектыўнасці з 8 па 11 лістапада 2022 г. праводзіць Рэспубліканскую інфармацыйна-адукацыйную акцыю «Беларусь – энергаэфектыўная краіна». Дэвіз акцыі: «У адзіным руху да лепшага!».
Да Міжнароднага Дня энергазберажэння Дэпартамент па энергаэфектыўнасці арганізуе цэлы шэраг тэматычных мерапрыемстваў: круглыя сталы і навучальныя семінары – для спецыялістаў; адкрытыя ўрокі, інфармацыйныя гадзіны, інтэлектуальныя гульні, конкурсы і віктарыны – для дзяцей і моладзі; міні-конкурсы – для падпісчыкаў у сацыяльных сетках; прамыя тэлефонныя лініі – для адказаў на самыя актуальныя пытанні грамадзян і арганізацый; інтэрв'ю, прэс-тур на энергаэфектыўныя прадпрыемствы, прэс-канферэнцыю – для прадстаўнікоў СМІ.
Асноўная мэта ўсіх мерапрыемстваў – сумеснымі намаганнямі прыцягнуць увагу да пытанняў энергаэфектыўнасці і энергазберажэння, у даступнай для шырокага кола грамадзян форме папулярызаваць эканамічныя, экалагічныя і сацыяльныя перавагі энерга– і рэсурсазберагальнага ладу жыцця, умацаваць энергетычную незалежнасць нашай краіны.
|