БелIСА    Навіны
Русская версия
Русская версия English version
Навіны

Фінальны тур Рэспубліканскага маладзёжнага праекта "100 ідэй для Беларусі"

21.03.2024

Гранд-фінал 13-га сезона Рэспубліканскага маладзёжнага праекта "100 ідэй для Беларусі" праходзіць на базе Нацыянальнага дзіцячага тэхнапарка ў Мінску.

Арганізатарамі праекта выступілі Беларускі рэспубліканскі саюз моладзі, Дзяржаўны камітэт па навуцы і тэхналогіях Рэспублікі Беларусь, Нацыянальная акадэмія навук Беларусі і Міністэрства адукацыі Рэспублікі Беларусь.

У экспазіцыю выставы-прэзентацыі ўвайшоў 171 аўтарскі праект пераможцаў абласных, Мінскага гарадскога адборачных тураў, адбору Нацыянальнай акадэміі навук Беларусі і шматступенных адбораў Міністэрства адукацыі. Прадстаўлена і традыцыйная спецыяльная секцыя "Рэалізавана" з распрацоўкамі ўдзельнікаў мінулых сезонаў праекта, укаранёных у рэальны сектар эканомікі.

Па выніках сезона экспертная рада вызначыць трыццаць пераможцаў у дзесяці намінацыях:

— энергетыка, у тым ліку атамная энергетыка, і энергаэфектыўнасць;

— аграпрамысловыя тэхналогіі і фермерства;

— прамысловыя і будаўнічыя тэхналогіі;

— ахова здароўя (медыцынскія тэхналогіі, фармацыя, бія– і нанаіндустрыя);

— хімічныя тэхналогіі, нафтахімія;

— інфармацыйна-камунікацыйныя тэхналогіі;

— экалогія (рацыянальнае прыродакарыстанне і глыбокая перапрацоўка прыродных рэсурсаў);

— нацыянальная бяспека і абарона ад надзвычайных сітуацый;

— грамадства і сацыяльная сфера;

— лепшая бізнэс-ідэя.

Распрацоўкі фіналістаў ацэніць рэспубліканскі экспертны савет. У яго склад увайшлі прадстаўнікі профільных міністэрстваў, ведамстваў, арганізацый, прадпрыемстваў, бізнес-супольнасцей, якія займаюцца інвесціраваннем. Пераможцы праекта прэтэндуюць на ўключэнне ў спецыяльны фонд Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў.


 

Версія для друку 

Аб ДУ «БелІСА»  |  Навіны  |  Дзяржаўная рэгістрацыя навукова-даследчых і доследна-канструктарскіх (доследна-тэхналагічных) работ  |  Нацыянальны інфармацыйны офіс праграм ЕС па навуцы і інавацыях

Апошняе абнаўленне: 15.05.2024
Copyright © БелІСА