Сродкі інавацыйных фондаў могуць накіроўвацца на фінансаванне перспектыўных імпартазамяшчальных інвестыцыйных праектаў

13.03.2023

7 сакавіка 2023 года ўступіла ў сілу пастанова Савета Міністраў Рэспублікі Беларусь № 171 «Аб накіраванні выкарыстання сродкаў інавацыйных фондаў».

У адпаведнасці з гэтай пастановай у 2023 годзе сродкі рэспубліканскага цэнтралізаванага інавацыйнага фонду і мясцовых інавацыйных фондаў могуць накіроўвацца на фінансаванне праектаў, уключаных у пералік перспектыўных імпартазамяшчальных інвестыцыйных праектаў, які зацвярджаецца Прэм'ер-міністрам Рэспублікі Беларусь.

Пастанова прынята на падставе Указа Прэзідэнта Рэспублікі Беларусь ад 14 сакавіка 2022 г. № 93 «Аб дадатковых мерах па забеспячэнні стабільнага функцыянавання эканомікі».