Выстава «Беларусь інтэлектуальная» пройдзе ў Гродна 16–19 сакавіка
13.03.2023
З 16 па 19 сакавіка ў Гродна будзе праходзіць выстава «Беларусь інтэлектуальная».
На ёй будуць прадстаўлены найноўшыя распрацоўкі і перадавыя тэхналогіі розных сфер жыццядзейнасці, а таксама актуальныя дасягненні навукі і тэхнікі.
Дзяржаўны камітэт па навуцы і тэхналогіях Рэспублікі Беларусь прыме ўдзел у выставе ў выглядзе раздзела навукова-тэхнічных распрацовак у тэматычным блоку «Камерцыялізацыя распрацовак». На калектыўным стэндзе ў форме відэаролікаў будзе праілюстравана роля ДКНТ і падведамасных арганізацый (ДУ «БелІСА», НЦІУ, РНТБ, Белінфонд) у стварэнні і камерцыялізацыі навуковых распрацовак.
У дадзеным блоку свае распрацоўкі таксама прадставяць рэзідэнты вучэбна-навукова-вытворчага цэнтра «Тэхналаб» (ТАА «БелТэлеМед Тэхналогіі» і ТАА «МагСаюз») і ЗАТ «Тэхналагічны парк Магілёў» (ТАА «СТРЫМ»).
Для наведвальнікаў уваход вольны.
|